كتبت نانسي عجاج
برغم الغبن والغضب ( الهم دايما كانو بيحاولو يوظفوه ويستثمرو فيهو). واذا في حسنة وحيدة من إستمرار حرب الكراهية وألانتقام دي حتي الان، حتكون انه قاعد يتم فضح وكشف المستور وتعرية القبح. وكيف كانت حتكتمل اي ثورة ولا تحقق اهدافا لو ما الناس بدايةً عرفت الحقايق. ولا يصح الا الصحيح. واظن لسه ما خفي اعظم.
وما نجح النتظيم في سنينه دي كلها في السيطرة علي الناس. الا بتغبيش الوعي، وحجب المعلومة وزع الفتنة والفرقة بين الاخوان.
ودي اهم حاجة محتاجين ننتبه ليها الان كلنا وسط كل الدمار دا.
لطالما اعتقدت انه عظمة البلد دي ما بس في خيرها وارضها ولا في شوارعا وبيوتا وحيشانا، لكن في طيبة واختلاف انسانا.
وان جاز لي ارسل رسالة لإخوانا في جنوبنا الحبيب. ولاني عارفا حجم الضرر والالم العشتوه عبر سنين طويلة بسبب
الظلم. ولاني علي يقين انه الظلم دا اتوزع (ولو بنسب مختلفة) علي الجميع وفي كل إتجاهات السودان.
حابا اقول انه الفرق الوحيد بينكم واخوانكم الشماليين انهم في صف العقاب وصلهم الدور وفهمو الدرس متاخر.
والضاق الظلم بعرف قيمة التسامح
والقمرية تصدح تستريح دبابة .. والقطر القبيل يمشي ويشق الغابة
البالمبو يفتح للقلوب ابوابا .. والنقارة ديك ام كيكي والربابة
وفعلا
الحركةالاسلاميةتنظيم_إجرامي.
